Një studim afatgjatë nga studiues të Karolinska Institutet në Suedi ka sjellë rezultate të rëndësishme për diagnostikimin e hershëm të kancerit kolorektal. Sipas të dhënave nga më shumë se 376 mijë persona, pjesëmarrja në depistim me një test të thjeshtë që mund të kryhet në shtëpi u shoqërua me 43% rrezik më të ulët të vdekjes nga kjo sëmundje.
Testi kërkon marrjen e një mostre të vogël të jashtëqitjes dhe kontrollon për gjurmë gjaku që nuk janë të dukshme me sy. Rezultati pozitiv nuk do të thotë domosdoshmërisht se personi ka kancer, por zakonisht kërkon ekzaminime të mëtejshme, si kolonoskopia.
Rëndësia e depistimit qëndron te mundësia për të zbuluar kancerin kolorektal ose ndryshimet parakanceroze përpara se të shfaqen simptoma të dukshme. Rezultatet e studimit mbështesin idenë se një procedurë relativisht e thjeshtë mund të ketë ndikim të konsiderueshëm në mbijetesë.
