Temperaturat e larta që kanë përfshirë vendin po rrisin rrezikun e goditjes nga të nxehtit, dehidratimit dhe problemeve të tjera shëndetësore. Mjekët u bëjnë apel qytetarëve që të kenë kujdes të shtuar, veçanërisht gjatë orëve më të nxehta të ditës.
Ekspertët këshillojnë të konsumohen sa më shumë lëngje, të shmangen daljet në diell nga ora 11:00 deri në 17:00, të përdoren rroba të lehta dhe të mos lihen fëmijët apo të moshuarit në automjete të mbyllura, qoftë edhe për pak minuta.
Nëse shfaqen simptoma si marramendje, lodhje e madhe, temperaturë e lartë trupore apo humbje e vetëdijes, kërkoni menjëherë ndihmë mjekësore.
Mjekët theksojnë se kujdesi i vogël gjatë ditëve me temperatura të larta mund të parandalojë pasoja serioze për shëndetin.
